ئۆپۆ دوو مۆبایلی لە زنجیرەی Reno13 نمایش کرد، جۆری ئاسایی و جۆری پرۆ، هەروەها یەکەم مۆبایلن کە چیپسێتی Dimensity 8350 لەسەر جێگیر کراوە. مۆبایلەکان چیپی X1 تابیەت بە ئۆپۆ لە خۆ دەگرن کە یارمەتی دەرە بۆ پەیوەندی بێ تەل و بڕوانامەی IP69 لە خۆ دەگرن بۆ دژە خۆڵ و تۆز و ئاو. کامێرای سەرەکی هەردوو مۆبایلەکە ڕوونی 50 مێگاپیکسڵە لەگەڵ کامێرایەکی دیکەی گۆشە فراوان بە ڕوونی 8 مێگاپیسکڵ. جۆری پرۆ کامێرایەکی دیکەش لە خۆ دەگرێت بە ڕوونی 50 مێگاپیکسڵ بۆ تێلەفۆتۆ.
جۆری ئاسایی ڕوونماکەی قەبارەی 6.59 و لە جۆری AMOLED و تێکڕایی نوێ بوونەوەی 120 هێرتز و ڕوونی +FHD. جۆری پرۆ تەنها قەبارەی ڕوونماکەی گەورەترە کە 6.83 ئینجە، هەروەها هەردوو مۆبایلەکە کامێرای سێڵفی بە ڕوونی 50 مێگاپیکسڵ لە خۆ دەگرن.
مۆبایلەکان بە ڕووکاری ColorOS 15 بنچینە لەسەر ئەندرۆید 15 کار دەکەن. پاتری جۆری ئاسایی قەبارەی 5,600 مللی ئەمپێر / کاتژمێرییە و جۆری پرۆش قەبارەی 5,800 مللی ئەمپێر / کاتژمێرییە، هەردوو مۆبایلەکە پشتگیری لە بارگاوی کەرەوەی 80 واتی وایەر و 50 بێ تەل دەکەن.
نرخی جۆری ئاسایی بریتییە لە 372 دۆلار بۆ بیرگەی 256 گێگابایت و ڕامی 12 گێگابایت و نرخی جۆری پرۆ بریتییە لە 470 دۆلار بۆ بیرگەی 512 گێگابایت و ڕامی 16 گێگابایت.
from کەی ئای تی ئێن https://ift.tt/DbfOjPZ
via IFTTT
