ئەمڕۆ کۆمپانیای ڕیەلمی نوێترین مۆبایلی ئاست بەرزی بە ناوی Realme GT7 Pro نمایش کرد. مۆبایلەکە چیپسێتی Snapdragon 8 Elite لەسەر جێگیر کراوە کە بەهێزترین و نوێترین چیپسێتی کۆمپانیای کواڵکۆمە. ڕوونمای مۆبایلەکە قەبارەی 6.78 ئینجە لە جۆری OLED و ڕووناکی کۆتایی دەگاتە 6,000 نیت! هەروەها لە چاڵی ڕوونماکەیدا کامێرای سێڵفی 16 مێگاپێکسڵی هەیە.
کامێرای سەرەکی دواوەی ڕوونی 50 مێگاپێکسڵە لە جۆری Sony IMX906 و بە پشتگیری کردن لە OIS، هەروەها کامێرای تێلەفۆتۆی بە هەمان ڕوونی و کامێرای گۆشە فراوانی 8 مێگاپێکسڵی هەیە.
مۆبایلەکە بڕوانامەی IP68/69 بۆ دژە ئاو و خۆڵ و تۆز هەیە و ڕیەلمی دۆخێکی تایبەتی بۆ وێنە و ڤیدیۆ تۆمار کردن لە ژێر ئاودا بۆ مۆبایلەکە بەردەست کردووە.
ڕووکاری Realme UI 6.0 لەسەر ئەندرۆید 15 بە پشتگیری کردن لە زیرەکی دەستکرد لەسەر جێگیر کراوە. پاترییەکی قەبارە 6,500 مللی ئەمپێر/کاتژمێری بە بارگاوی کەرەوەی 120 وات هەیە. نرخی دەستپێکی لە چین بۆ بیرگەی 256 گێگابایت و ڕامی 12 گێگابایت بریتییە لە 505 دۆلار.
from کەی ئای تی ئێن https://ift.tt/zHC9Y4O
via IFTTT
