ئەپڵ ماک بووک پرۆی بە چیپسێتی بەهێزتر ڕاگەیاند. هەردوو بژاردەی 14 ئینج و 16 ئینج ئێستا چیپسێتی زنجیرەی M4 لە خۆ دەگرن، M4 Pro کە دوێنە لەگەڵ ماک مینی نوێ ڕاگەیەندرا، لەگەڵ M4 Max. هەروەها جۆری 14 ئینج ئێستا دەرچەیەکی زیاتری USB-C لە خۆ دەگرێت.
هەروەکو نەوەکانی پێشووتر، بژاردەی 14 ئینج بۆ چیپسێتی M4 Pro نرخی لە 1,999 دۆلارەوە دەست پێ دەکات و جۆری 16 ئینجیش نرخی دەستپێکی بریتییە لە 2,499 دۆلار، بە ڕامی 18 گێگابایت تاکو 128 گێگابایت.
جگە لەوە، ماک بووکە نوێیەکان، یەکەمین لاپتۆپی زنجیرەکەن کە دەرچەی Thunderbolt 5 لە خۆ دەگرن. هەروەها وێبکامێکی 12 مێگاپێکسڵی لە ڕوونماکانیان جێگیر کراوە، ڕوونماکانیان ڕووناکی دەگاتە 1000 نیت بۆ ناوەڕۆکی SDR و 1,600 نیت بۆ ناوەڕۆکی HDR.
گەورەترین گۆڕانکاری لاپتۆپەکان بێگومان چیپسێتە نوێیەکانە، ئەپڵ ئاماژەی بەوە کرد کە چیپسێتەکانی M4 خێراترین ناووکی CPU هەیە لە جیهاندا، هەروەها لە ڕووی GPU و ژیری دەستکرد دوو هێندە خێراترن بەروارد بە نەوەی پێشووتر.
from کەی ئای تی ئێن https://ift.tt/cIQJoUH
via IFTTT
